موضوعات أخرى

مذكّرات امرأة في عصر الكورونا ١

واقع حال
مذكّرات امرأة في عصر الكورونا ١
بقلم : ميكال حداد

من شبّاك بيتي

بالرَّغم من كلّ شي عم بصير في العالم في هالوقت، بلاقي نفسي فرحانة كل ما بتطلَّع من شبّاك بيتي وبشوف أنّه فصل الرَّبيع فعلًا بلَّش. بشوف قدّام شبّاكي ورود "النَّرجس" الصُّفُر إلّي زرعتها من كم سنة زهَّرت وفتَّحت.

إذا بتتطلَّعي على الورد، بتلاحظي أنّه لمّا بكون المطر بتساقط أو السَّما مليانة غيوم بكون الورد ذبلان، ولكن لمّا تطلع الشَّمس بكون الورد بيرفع راسه لفوق باتِّجاه الشَّمس وبترجعله الحياة. كلّ يوم مشمس بتأمَّل الورود المزروعة بالحوض برّا، وبتذكَّر الآية بالإنجيل الّي بتقول: "أَعْيُنُ الْكُلِّ إِيَّاكَ تَتَرَجَّى، وَأَنْتَ تُعْطِيهِمْ طَعَامَهُمْ فِي حِينِه" مزمور ١٤٥: ١٥. 

كلّ إشي في الطَّبيعة بينتظر إحسان الله، كلّ شي بيتوقَّف على أمانته في كلّ يوم جديد. كنت عم براقب "نقّار الخشب" الطّير الّي بصحّينا من النّوم أيّام كثيرة وهو بينقر الخشب برّا بيتنا. ما تِعِب ولا عذَّب نفسه حتّى يصير جميل المظهر، مش بحاجة لمكياج من الصّبح ولا كريمات لترطيب البشرة؛ لأنّه الله أعطاه رأس لونه أحمر وريش ملوَّن أبيض وأسود.

بتطلّع على السِّنجاب (عنّا كتير منهم برّا البيت) بيركض ليلاقي "بلّوط" وبعدين بيركض ليخبّيه بالأرض أو بيتعارك مع سنجاب ثاني عليها، مع أنّه الله خلق لهم أشجار بلّوط. بكلّ يوم جديد بيطلعوا من حفرتهم وبيلاقوا أكل مأمَّن إلهم على الشَّجر أو حتّى على الطَّريق.

"أعين الكلّ إيّاك تترجّى" بما فيهم أنا وأنتِ. إذا كانت حيوانات الغابة والطَّبيعة متعودة على إحسان الله وبركاته، فكم بالحريّ إحنا "أولاده"؟ ما تخافي من وبأ أو تقلقي على حاجاتك وحاجات عيلتك حتّى لو كنّا في مثل هاي الظُّروف، هو بيعتني وبهتمّ. "لأَنَّهُ يُنَجِّيكَ مِنْ فَخِّ الصَّيَّادِ وَمِنَ الْوَبَأِ الْخَطِرِ." (مز 91: 3)

قال:  "لا أهمِلَك ولا أترُكَك. تشدَّد و َتشَجَّع." يشوع ١: ٥ و٦.

ارفعي عيونِك للسّما، خلّي قلبِك ثابت وراسخ على هذا الرَّجاء.

Ruairidh Legge

Reading this kind of article will you a great insight about other people's perspective about this pandemic, I am so happy that there will a cure for this virus soon and we can go back to the things we are used to. Play gacha club on your through the google chrome extension https://gachaclub.io/ or try the Among Us game here https://among-us.io/

إضافة تعليق
بريد إلكتروني

 

أو يمكنك التواصل معنا بمسج خاصة عبر صفحتنا على الفيسبوك