موضوعات أخرى

إنتَ مهمّ!

موقف القلب
إنتَ مهمّ!
بقلم : عدي البقاعين

صدِّقني مش مهم كيف النَّاس بتشوفك أو كيف النَّاس قرَّرت تقيمك...

‎إنت شخص مهمّ ووجودك مهمّ ودورك في حياة غيرك مهمّ، وعدم وجودك يعني كارثة!

‎عشان هيك ما توقِّفش تعمل الِّي نفسَك تعمله لحتَّى ما تشوف هالدّنيا غير وفيها خير...

 

‎كنت ذكر ولَّا أنثى، كنت شب صغير ولّا صرت ختيار كبير، من غيرك الحياة ما بتنعاش مثل ما كان لازم تنعاش، خلِّيك متشجِّع وقوم...

‎قوم اعمَل شغلك الِّي إنتَ عارف أنّه ما حدا غيرك راح يعمله، وحتّى لو النّاس شافَت أنّه شغلك مش مهمّ بهالدّنيا؛ بس ما دام إنت عارف أنّه الِّي بتعمله هو أهمّ شي بالدّنيا، فقوم واعمله لأنّه أنا وغيري محتاجينك تعمله...

 

‎مرّة ثانية يا صاحبي ويا صاحبتي: إنتَ مهمّ وإنتِ مهمّة

‎وجودكم وحركتكم إحنا محتاجينهم...

 

‎بترجَّاك ما تسمحش لأيّ شي يوقّف شغفك أو يحبط معنويّاتك، عمرها الدّنيا ما رح تكون بخير إذا -إنتَ بالذَّات- قرَّرت توقِّف تعمل اللي إنتَ عارف أنَّك لازم تعمله...!!!

‎إنتَ بس بتعرف شو الِّي لازم تعمله؛ عشان هيك غيرك مش فاهم عليك، بس هاد لا يعني توقِّف يا صاحبي...

‎بلدك بحتاجك تعمل الِّي على قلبك والِّي شاغلك طول الوقت، فقوم من إحباطَك وارجع لمكانك لأنّه بنحتاجك...

وتذكَّر أنَّك مُهِمّ... ومن غيرك الحياة ناقصة، وبلدك ما رح يكون فيها كلّ الخير الِّي لازم يكون فيها بدون خيرك.

 

 

إضافة تعليق
بريد ألكتروني