موضوعات أخرى

شو اسمِك؟

موقف القلب
شو اسمِك؟
بقلم : ميراي عون

ليش عم بسأل عن اسمك؟ يمكن تكون فكرة تضحكك، وإحنا منكون جدًّا سعيدين بهالإشي. 

بس شو الهدف من السُّؤال، أكيد القصد نبحث أعمق من هيك.

في الحياة اليوميَّة وين ما نروح بيسألونا شو اسمنا، تحديدًا بيسألوكِ: شو اسمك؟

حتّى في المقاهي الّي بتعتمد خدمة سريعة وحديثة، حتّى يوفروا وقت، إنتِ الّي بتعملي الطَّلبيَّة وبيسألوكِ عن اسمك أو اسم دلع ينادوكِ فيه (Nickname)؛ حتّى ما يضيعوا قهوتك الخاصَّة ويعطوها لحدا ثاني.

باختصار اسمك هو جزء من هويَّتك! الرَّب كمان بدو يدعوكِ باسم جديد رح يكون له منِّك ومن حياتك نصيب. اسم روحي حابب الرَّبّ اليوم وكلّ يوم يعطيكِ إيّاه.


إبراهيم، سارة، يعقوب، وأشخاص كثر في الكتاب المقدس، اختبروا وقت الله صنع فيه تغيير كبير في حياتهم وتحديدًا بهويّتهم، اختلفَت فيه نظرتهم إلى أنفسهم ولدعوته على حياتهم.

التَّغيير مش دايمًا بييجي بسهولة - زي ما قُلنا- بس نتائجه مع الله ما ممكن تحصلي عليها بغير مكان ولا حتّى بغير طريقة.


يعقوب على قد ما ظلّ هربان، أجا وقت وتقابل فيه مع الله، تقابل مع الحقّ، وتغيَّرت هويَّته مع تغيُّر اسمه، وقتها بس صار قادر يواجه الماضي الصَّعب ويكمِّل حياته بشكل سليم. 

إبراهيم، أخد وعد - لسّاتنا لحد هاي اللَّحظة وبعتقد لحد ما يرجع المسيح- رح نظلّ نصلّي ونحكي فيه:

"فَلاَ يُدْعَى اسْمُكَ بَعْدُ أَبْرَامَ بَلْ يَكُونُ اسْمُكَ إِبْرَاهِيمَ، لأَنِّي أَجْعَلُكَ أَبًا لِجُمْهُورٍ مِنَ الأُمَمِ." (تكوين 17: 5)

 

مش يمكن مع الاسم تأخدي الوعد؟ مش يمكن مع الاسم والهويَّة الجديدة، تقدري تواجهي كلّ شيء ما كنتِ قادرة تتصالحي معه وتواجهيه؟ 

حتّى ما نروح بعيد، يمكن أنّك مش قادرة ترتاحي مع ذاتك، مش قادرة تواجهيها، مش قادرة تتصالحي معها. بصلّي هالآية تعزّيكِ وتقودك للحقّ لتتقابلي معه ويطلق عليكِ اسم جديد. 

"لاَ يُقَالُ بَعْدُ لَكِ: «مَهْجُورَةٌ»، وَلاَ يُقَالُ بَعْدُ لأَرْضِكِ: «مُوحَشَةٌ»، بَلْ تُدْعَيْنَ: «حَفْصِيبَةَ»، وَأَرْضُكِ تُدْعَى: «بَعُولَةَ». لأَنَّ الرَّبَّ يُسَرُّ بِكِ، وَأَرْضُكِ تَصِيرُ ذَاتِ بَعْلٍ." (إشعياء 62: 4)
 

أنا اسمي عرفتُه، وإنتِ شو اسمِك؟ 


نحن هنا من أجلك لنسير معك رحلة اكتشافك.
شاركينا إجابتك عن السّؤال من خلال الضغط هنا

ما هو اسمكِ؟

 

المحطة التالية:

في القلب

 

إضافة تعليق
بريد إلكتروني

 

أو يمكنك التواصل معنا بمسج خاصة عبر صفحتنا على الفيسبوك