موضوعات أخرى

وحدة بوحدة

موقف القلب
وحدة بوحدة
بقلم : ميراي عون

في الجزء الثّالث من سلسلة الهويَّة، خبَّرتك عن كذبة كانت حافرة مكانها جوّاتي، وأنهيت الحديث معك أنّه كل كذبة فيها جزء حقيقي وجزء مش حقيقي.

أنا خبَّرتك عن كذبة وحدة بس شو عن الباقي؟ 

في علب كثيرة محتاجين نفتحها مع بعض؟

الله عم يدعوك تفتحي هالعلب معه وتخلّي النّور يدخلها.

 

وجزء أساسي من عمل الله الرّائع الّي رح يكمِّل معك للنِّهاية هو رحلة الاستكشاف الّي بيدعيكِ إلها، ومن خلالها رح تترسَّخ الحقائق البديلة في قلبك وحياتك كلّها.

مهم جدًّا أنّك وإنتِ عم تنطلقي في هالرِّحلة تدركي وتتأكَّدي أنُّه الكذبة ما بتُستَبدَل بكذبة، وحتّى لو تمّ استبدالها لفترة زمنيَّة بكذبة ثانية، فنتائجها ما بتشبه نتيجة الحقّ الّي بحرِّر.

"وَتَعْرِفُونَ الْحَقَّ، وَالْحَقُّ يُحَرِّرُكُمْ" يوحنا ٨:٣٢

رح نصعد السُّلَّم درجة درجة مع بعض. إنتِ مش وحيدة، الله جنبك وإحنا كمان.

ولنقدر نكشف عن كل الغرف والعلب المظلمة والأكاذيب الّي أجا الوقت نطردها برّا حياتنا بدون رجوع ـــــ رح نتسلَّق الدَّرجة الأولى الّي هي أنّه تعرفي الحقّ الّي قادر إنّه يحرِّرك.

 وإحنا بطريقنا بهالرِّحلة دائمًا تذكَّري وذكري نفسك أنّه في أمل، ومهما طوَّل النَّفق رح تخرجي منه. مش لأنّي قادرة ولا لأنّك إنتِ قادرة تخلصي نفسك، لكن لأنّه الله الطَّبيب والحبيب الّي بيعمل هالعمل في دواخلنا بيطلقنا للحرِّيّة.

 

"وَالْقَادِرُ أَنْ يَفْعَلَ فَوْقَ كُلِّ شَيْءٍ، أَكْثَرَ جِدًّا مِمَّا نَطْلُبُ أَوْ نَفْتَكِرُ، بِحَسَبِ الْقُوَّةِ الَّتِي تَعْمَلُ فِينَا" أفسس 3: 20

ألقاكِ في المحطة المقبِلة بملء الحرِّيَّة.

 

شو أوَّل غرفة مستعدّة تفتحيها وتستبدلي الكذب الّي فيها؟
راسلينا وشاركينا أسئلتك ومخاوفك هنا. إحنا متاحين نمشي معك رحلة حرِّيَّتك حتّى نكتشف كلّ كذبة محتاجة تستبدليها بالحقّ.

 

 

 

المحطة التالية:

سبعة بواحد

إضافة تعليق
بريد إلكتروني

 

أو يمكنك التواصل معنا بمسج خاصة عبر صفحتنا على الفيسبوك