موضوعات أخرى

ﺣﻨﯿﻦ ﻋﻮده - ﻗﺼﺘﻲ ﻣﻊ اﻟﺴﺮﻃﺎن

حكايات من الشارع
ﺣﻨﯿﻦ ﻋﻮده - ﻗﺼﺘﻲ ﻣﻊ اﻟﺴﺮﻃﺎن
بقلم : ﺣﻨﯿﻦ ﻋﻮده

ﺣﻨﯿﻦ ﻋﻮده ، اﻧﺴﺎﻧﺔ ﺷﻐﻮﻓﺔ ﺑﺎﻟﺤﯿﺎة واﻟﺠﻤﺎل ﻣﻬﻨﺪﺳﺔ ﺻﻨﺎﻋﯿﺔ ﻣﺼﻤﻤﺔ اﻛﺴﺴﻮارات وازﯾﺎء

ﻗﺼﺘﻲ ﻣﻊ اﻟﺴﺮﻃﺎن "ﻛﻞ أﻣﺮ اﻟﻤﺆﻣﻦ ﺧﯿﺮ "  :)

ﯾﻤﻜﻦ ﻣﺎ ﻋﻤﺮي ﻛﻨﺖ اﺗﺨﯿﻞ اﻧﻲ اﺳﻤﻊ اﺳﻢ "ﺳﺮﻃﺎن " ﻓﻲ ﺑﯿﺘﻨﺎ او ﺑﻌﯿﻠﺘﻨﺎ اﺑﺪا،ﯾﻤﻜﻦ ﻻﻧﻪ ﻛﻨﺖ اﻇﻨﻪ وراﺛﻲ ﺑﺪرﺟﻪ ﻛﺒﯿﺮه ﺟﺪا ﻓﺒﻌﯿﺪ ﻛﺘﯿﺮ ﺣﯿﻜﻮن وﻻ ﻋﻤﺮي ﻛﻨﺖ اﻇﻦ اﻧﻲ اﻓﻘﺪ ﺷﺨﺺ ﻏﺎﻟﻲ ﻋﻘﻠﺒﻲ ﻣﻦ "ﻫﺪاك اﻟﻤﺮض" )اﻧﺎ ﺣﺘﻰ ﻣﺎ ﺑﻌﺮف ﻟﯿﻪ اﻟﻨﺎس ﺑﺘﺤﻜﻲ ﻋﻨﻪ ﻫﯿﻚ ﻛﺄﻧﻬﻢ ﺑﺨﺎﻓﻮ ﯾﺴﻤﻌﻬﻢ وﯾﺠﯿﻲ ﻓﯿﻬﻢ !!) 

 ﺑﺎﻟﯿﻮم ﯾﻠﻲ ﻋﺮﻓﺖ اﻧﻪ ﻋﻨﺪي "ﺳﺮﻃﺎن "  :( ﻛﺎﻧﺖ ﺧﺎﻟﺘﻲ ﻋﻔﺮاش اﻟﻤﻮت ﻋﻢ ﺑﺘﻮدﻋﻨﺎ ﺑﻌﺪ ﺻﺮاع ﻣﻊ اﻟﻤﺮض ﻻرﺑﻊ اﺷﻬﺮ ﺑﺴﺒﺐ اﻛﺘﺸﺎﻓﻪ ﺑﻤﺮاﺣﻠﻪ اﻻﺧﯿﺮه  :( ، ﯾﻤﻜﻦ ﻛﺎن اﺻﻌﺐ ﺷﻲ ﻋﻠﻲ ﻛﯿﻒ ﺑﺪي ﺧﺒﺮ اﻣﻲ واﻫﻠﻲ اﻧﻪ ﯾﻠﻲ ﻣﻌﻲ ﻃﻠﻊ "ﺳﺮﻃﺎن "واﻧﻪ

اﻟﻌﻤﻠﯿﻪ ﯾﻠﻲ ﻋﻤﻠﺘﻬﺎ ﻻﺳﺘﺄﺻﺎل ورم ﺣﻤﯿﺪ ﻃﻠﻊ ﺗﺸﺨﯿﺺ ﺧﺎﻃﺊ واﻟﻔﺤﻮﺻﺎت ﺑﯿﻨﺖ اﻧﻪ ﺧﺒﯿﺚ ،ﯾﻤﻜﻦ ﺑﻮﻗﺘﻬﺎ ﻛﻨﺖ ﺑﻌﺮف اﻧﻲ ﻗﻮﯾﻪ وﺑﻘﺪر اوﻗﻒ ﻟﺤﺎﻟﻲ ﺑﺲ ﺻﺪﻗﺎ اﻟﻘﻮه ﯾﻠﻲ اﻋﻄﺎﻧﻲ اﯾﺎﻫﺎ رﺑﻲ ﻃﻠﻌﺖ اﻛﺒﺮ ﺑﻜﺘﯿﺮ ﺑﻮﻗﺖ اﻻﺧﺘﺒﺎر.

ب 2018 ﺷﻌﺮت ﺑﻮﺟﻮد ﻛﺘﻠﺔ ﺻﻐﯿﺮه ﺑﺎﻟﺜﺪي وﺑﻌﺪ ﻣﺸﺎورات ﻣﻊ اﻻﻫﻞ ﻗﺮرت اروح اﻓﺤﺺ ﻋﻨﺪ ﻣﺮﻛﺰ ﻣﺘﺨﺼﺺ ﺑﺎﻟﻌﻨﺎﯾﺔ  ﺑﺎﻟﺜﺪي ووﻗﺘﻬﺎ ﺗﺸﺨﺼﺖ ﻋﻠﻰ اﻧﻪ ) اﺷﻲ ﻣﺎ ﺑﺨﻮف ( وﺑﺎﻟﺰﺑﻂ اﻟﺪﻛﺘﻮرة ﺣﻜﺘﻠﻲ ﻫﺎد اﺳﻤﻪ ) ﺛﺎﻟﻮﻟﻪ( وﺑﻨﻌﻤﻞ ﻋﻤﻠﯿﺔ ﺻﻐﯿﺮه وﺑﻨﺸﯿﻠﻬﺎ او ﺑﻨﻌﻤﻞ ﻛﻞ 6 اﺷﻬﺮ ﺧﺰﻋﻪ وﻓﺤﺺ -وﻃﺒﻌﺎ اﻧﺎ اﺧﺘﺮت اﻟﻌﻤﻠﯿﺔ ) ﻟﯿﻪ وﺟﻊ اﻟﺮاس واﻟﻘﻠﻖ ( - ﺑﻌﺪ ﺑﯿﻮﻣﯿﻦ ﻣﻦ اﻟﻌﻤﯿﻠﺔ اﻟﺪﻛﺘﻮره ﺑﺘﺮن ﻋﻠﻲ : " اﻟﻮ ﺣﻨﯿﻦ ﻓﻲ ﻣﺠﺎل ﺗﻤﺮي ﻋﻠﯿﻨﺎ ﺑﻜﺮا ." اﻧﺎ وﻗﺘﻬﺎ ﺣﻜﯿﺖ ﺑﺪﻫﺎ ﺗﺸﯿﻚ ﻋﻠﻰ اﻟﻌﻤﻠﯿﺔ ﻣﺎ ﺧﻔﺖ وﻻ ﺧﻄﺮﻟﻲ اي ﺷﻲ وﻗﺘﻬﺎ ﺳﻲء - دﺧﻠﺖ ﻋﻨﺪﻫﺎ ) ﻃﻠﺒﺖ ﻣﻨﻲ ادﺧﻞ ﺑﺪون اﻟﻤﺮاﻓﻖ( ﺣﻜﺘﻠﻲ ﺣﻨﯿﻦ اﺣﻨﺎ ﻋﻤﻠﻨﺎ ﻓﺤﺺ ﻟﻠﺨﻼﯾﺎ اﻟﻠﻲ ﺗﻢ اﺳﺘﺌﺼﺎﻟﻬﺎ، ﺗﻤﺎم .…، وﺗﺒﯿﻦ اﻧﻬﺎ ﺧﻼﯾﺎ ﻏﯿﺮ ﺣﻤﯿﺪه …… اﻧﺎ: ﻃﯿﺐ وﺷﻮ ﻻزم ﻧﻌﻤﻞ ؟ ﺣﻜﺘﻠﻲ ﺑﺪﻧﺎ ﻧﻌﯿﺪ اﻟﻔﺤﺺ ﻛﻤﺎن ﻣﺮه وﺑﻌﺪﻫﺎ ﺑﻨﻌﻤﻞ ﻋﻤﻠﯿﺔ ﺗﻨﻈﯿﻒ ﺣﻮﻟﯿﻦ اﻟﺠﺮح - ) ﺑﺘﺬﻛﺮ وﻗﺘﻬﺎ ﻣﻨﯿﺢ ﻗﺪﯾﻪ وﺟﻪ اﻟﺪﻛﺘﻮره ﻛﺎن ﺷﺎﺣﺐ وﻣﺼﻔﺮ وﻛﻠﻪ ﺧﻮف ﻛﯿﻒ ﺑﺪﻫﺎ ﺗﺤﻜﯿﻠﻲ ﻫﺎﻟﺨﺒﺮ وﻻﻧﻲ ﺻﻐﯿﺮه ﺑﺎﻟﻌﻤﺮ ﻣﺎ ﻛﺎﻧﺖ ﻣﺘﺨﯿﻠﺔ اﻧﻪ ﻣﻤﻜﻦ ﯾﻜﻮن "ﺧﺒﯿﺚ" - وﻗﺪﯾﻪ اﻧﺼﺪﻣﺖ ﻣﻦ رده ﻓﻌﻠﻲ اﻧﻲ ﻣﺎ ﺧﻔﺖ وﻻ ﺣﻜﯿﺖ ﺷﻲ ﺑﻌﺒﺮ ﻋﻦ ﺻﺪﻣﺘﻲ ﺑﺎﻟﻌﻜﺲ ﻛﻨﺖ ﻣﺘﺰﻧﻪ وﻫﺎدﯾﺔ ﺟﺪاا...)

ﺑﻌﺪﻫﺎ ﻋﺪﻧﺎ اﻟﻔﺤﻮﺻﺎت ﻛﻤﺎن ﻣﺮه وﺗﻨﺘﯿﻦ واﺧﻮي) ﯾﻠﻲ اﺻﻼ ﻣﺎ ﺣﺪا ﻏﯿﺮه ﻛﺎن ﺑﻌﺮف ﺷﻮ ﺑﺼﯿﺮ ﻣﻌﻲ (اﺻﺮ ﯾﺨﻔﻲ ﻋﻨﻲ ﻧﺘﯿﺠﺔ اﻟﻔﺤﺺ ﯾﻮﻣﻬﺎ ﻟﺤﺪا ﻣﺎ ﯾﺠﻲ ﻣﻮﻋﺪ زﯾﺎره اﻟﺪﻛﺘﻮره وﺟﺪ اﻧﺎ ﻟﻮﻗﺘﻬﺎ ﻣﺎ ﻛﻨﺖ ﺧﺎﯾﻔﺔ او ﻣﻤﻜﻦ ﻣﺎ ﻛﻨﺖ ﻓﺎﻫﻤﺔ ﺷﻮ ﺑﺼﯿﺮ وﻻ ﺑﺪي اﻓﻜﺮ ﺷﻮ ﻣﻤﻜﻦ ﯾﺼﯿﺮ …

ﺑﻌﺪ ﻣﺎ ﺗﺄﻛﺪﻧﺎ ﻣﻦ اﻧﻪ ﺧﺒﯿﺚ ﻧﻘﻠﺖ ﻋﻼﺟﻲ ﻟﻤﺴﺘﺸﻔﻰ اﻟﺤﺴﯿﻦ ﻟﻠﺴﺮﻃﺎن وﺑﺘﺎرﯾﺦ 7-5 2018- ﺑﻠﺸﺖ ﻓﺤﻮﺻﺎت ﻛﻞ ﯾﻮم واﻟﺘﺎﻧﻲ ﺻﻮره ﺟﺪﯾﺪة وﻓﺤﺺ ﺟﺪﯾﺪ) وﻗﺘﻬﺎ ﻛﺎن ﻋﻨﺪي ﺗﻮﺗﺮ ﻛﺒﯿﺮ ﻛﯿﻒ ﺑﺪي اﺣﻜﻲ ﻟﻠﻨﺎس ﯾﻠﻲ ﺑﺘﻌﺮﻓﻨﻲ اﻧﻲ ﻣﺮﯾﻀﺔ ﺳﺮﻃﺎن وﻛﯿﻒ ﺑﺪي اﺿﻞ اﺧﺪ ﻣﻐﺎدارت او اﺟﺎزات ﻣﻦ ﺷﻐﻠﻲ ﺑﺪون ﻣﺎ ﺣﺪا ﯾﻌﺮف ﻟﯿﻪ ﺑﻌﻄﻞ واﻟﻬﻢ اﻻﻛﺒﺮ ﻛﯿﻒ ﺑﺪي اﺣﻜﻲ ﻻﻣﻲ واﻫﻠﻲ (.… ﻛﻨﺖ اروح ﻋﺎﻟﻤﺴﺘﺸﻔﻰ ﻻﻋﻤﻞ ﻓﺤﻮﺻﺎﺗﻲ ﻣﻦ ﻏﯿﺮ ﻣﺎ اﻣﻲ ﺗﻌﺮف اﺷﻲ - ﻃﺎﻟﻌﻪ او ﺑﺎﻟﺪوام ﻣﻬﻢ ﻣﺎ ﺗﺤﺲ وﻻ ﺗﻌﺮف ) اﺻﻼ وﻗﺘﻬﺎ ﻛﺎﻧﺖ ﻣﺸﻐﻮﻟﺔ ﺑﺨﺎﻟﺘﻲ "اﷲ ﯾﺮﺣﻤﻬﺎ " وﯾﻠﻲ ﻓﯿﻬﺎ ﻣﻜﻔﯿﻬﺎ ) ﺑﻔﻀﻞ رﺑﻲ اﻧﻲ اﻛﺘﺸﻔﺖ اﻟﻤﺮض ﺑﻤﺮاﺣﻠﻪ اﻻوﻟﻰ ) ﻣﻊ اﻧﻲ ﺗﺸﺨﺼﺖ ﻣﺮﺣﻠﺔ 2 وﺧﻼﯾﺎ ﺳﺮﯾﻌﻪ اﻻﻧﺘﺸﺎر ﯾﻌﻨﻲ 3 stage ( ﻛﺎن ﺧﻮﻓﻲ وﺗﻮﺗﺮي ﺑﻌﺪ ﻛﻞ ﻫﺎﻟﻔﺤﻮﺻﺎت اﻟﺪﻛﺘﻮر ﯾﺤﻜﯿﻠﻲ ﻛﯿﻤﺎوي ..… ﯾﻌﻨﻲ ﺷﻌﺮي ﺣﯿﻨﺰل ورﻣﻮﺷﻲ ﻛﻤﺎن وﻏﯿﺮ وﺟﻌﻪ ﯾﻠﻲ اﻟﻜﻞ ﺑﺤﻜﻲ ﻋﻨﻪ ،…… ﺑﺲ ﻣﺎ ﻛﻨﺖ ﻣﺘﺨﯿﻠﺔ اﺑﺪا ﯾﻠﻲ ﺑﺪه ﯾﺤﻜﯿﻪ اﻟﺪﻛﺘﻮر …

ﺑﺘﺎرﯾﺦ 2018-7-24 ﻛﺎن ﻣﻮﻋﺪي ﻣﻊ اﻟﺪﻛﺘﻮر ) وﻛﺎن اول ﯾﻮم ﺑﯿﺖ اﺟﺮ ﻟﺨﺎﻟﺘﻲ اﷲ ﯾﺮﺣﻤﻬﺎ( -ﻛﻤﯿﺔ اﻟﺘﻌﺐ واﻟﺤﺰن ﯾﻠﻲ ﻛﻨﺖ ﺑﺤﻤﻠﻬﺎ ﯾﻮﻣﻬﺎ ﻣﻮﻣﻨﺎﺳﺒﺔ اﻧﻲ اﺳﻤﻊ ﻓﯿﻬﺎ ﻫﺎﻟﺨﺒﺮ ..…، دﺧﻠﻨﺎ ﻋﻨﺪ اﻟﺪﻛﺘﻮر وﺑﻠﺶ ﯾﺸﺮﺣﻠﻨﺎ اﯾﺶ ﻋﻨﺪي ودرﺟﺔ اﻻﻧﺘﺸﺎر ﻟﻠﻤﺮض واﻟﻌﻼج ﯾﻠﻲ راح اﺧﻀﻊ اﻟﻪ واﻧﻲ راح اﺑﻠﺶ ﺑﻌﻤﻠﯿﺔ اﺳﺘﺌﺼﺎل ﻛﻠﻲ ﻟﻠﺜﺪي اﻟﻤﺼﺎب ،      اﻧﺎ ﻫﻮن ﺑﻄﻠﺖ اﺳﻤﻊ وﻣﺎ ﻗﺪرت اﺣﻜﻲ وﻻ ﻛﻠﻤﺔ وﻗﺘﻬﺎ ﻓﻬﻤﺖ ﺷﻮ ﯾﻌﻨﻲ ﺳﺮﻃﺎن وﻟﯿﻪ ﻛﺎن ﻻزم اﺧﺎف ﻋﻨﺠﺪ - "اﻟﺴﺮﻃﺎن ﻫﻮ اﻧﻚ ﺗﺘﺨﻠﻰ ﻋﻦ ﺟﺰء ﻣﻦ ﺟﺴﻤﻚ ﻟﻠﺘﺨﻠﺺ ﻣﻨﻪ "  ﺻﺪﻗﺎً اﺷﻲ ﺑﻮﺟﻊ ﻛﺘﯿﯿﺮ...

ﻣﺴﺤﺖ دﻣﻮﻋﻲ ورﺣﺖ ﻋﺒﯿﺖ اﻻﺟﺮ ﺣﺎوﻟﺖ اﻧﻲ اﺧﻔﻲ وﺟﻌﻲ واﺑﯿﻦ ﻣﺘﻠﻬﻢ ﻗﺪر اﻻﻣﻜﺎن ﺷﺨﺺ ﺣﺰﯾﻦ ﻋﻔﺮاق ﺣﺪا ﻏﺎﻟﻲ ﻋﻘﻠﺒﻪ وﺑﺲ ..… ﺑﺲ ﻛﻨﺖ اﺣﺲ اﻧﻪ اﻟﻜﻞ ﻛﺎن ﯾﻄﻠﻊ ﻋﻠﻲ ﻛﺎﻧﻲ اﻟﺸﺨﺺ اﻟﻮﺣﯿﺪ اﻟﺤﺰﯾﻦ ﺑﯿﻨﺎﺗﻬﻢ ..…، ﺑﻌﺪﻫﺎ ﺑﺎﯾﺎم ﻗﻠﯿﻠﺔ ﺑﻌﺮف ﻣﻦ اﺧﻮي اﻧﻪ اﻣﻲ ﺻﺎر ﻋﻨﺪﻫﺎ ﻋﻠﻢ ﺑﻤﺮﺿﻲ ﻣﻦ اﺣﺪ اﻻﻗﺎرب وﻟﻜﻨﻬﺎ ﻣﺎ ﻋﻢ ﺑﺘﺒﯿﻦ ﻫﺎﻟﺸﻲ .… وﻫﻼ ﺻﺎر ﻻزم اواﺟﻬﻬﺎ واﺣﻜﯿﻠﻬﺎ اﻟﺤﻘﯿﻘﺔ " ﺑﺲ ﻻزم ﺗﺸﻮﻓﻨﻲ ﻗﻮﯾﺔ راﺿﯿﺔ وﻣﻮ ﺧﺎﯾﻔﺔ " ﻟﺤﺘﻰ ﺗﺘﻄﻤﻦ وﯾﺨﻒ ﺗﻮﺗﺮﻫﺎ وﺗﻔﻜﯿﺮﻫﺎ .… روﺣﺖ ﻋﺎﻟﺒﯿﺖ وﺣﺎوﻟﺖ

اﺟﻠﺲ ﻣﻊ اﻣﻲ ﺷﻮي ﺑﻄﺮﯾﻘﺔ ﯾﻜﻮن ﻓﯿﻬﺎ ﻣﺠﺎل ﻟﻠﺤﻮار وﻓﻌﻼ ﺳﺄﻟﺘﻨﻲ ﺣﻨﯿﻦ ﯾﻤﺎ اﺣﻜﯿﻠﻲ ﺷﻮ ﻣﺎﻟﻚ ﺷﻮ ﺻﺎر ﺑﻔﺤﻮﺻﺎﺗﻚ ؟ … وﺑﺪون ﻣﺎ ﯾﻜﻮن ﻓﻲ رﺟﺔ ﺑﻜﻼﻣﻲ ﺣﻜﺘﻠﻬﺎ : " اﻟﺤﻤﺪﷲ ﻃﻠﻌﺖ ﻓﺤﻮﺻﺎﺗﻲ وﻋﻨﺪي ﺳﺮﻃﺎن واﻟﺸﻬﺮ اﻟﺠﺎي ﻻزم اﻋﻤﻞ ﻋﻤﻠﯿﺔ

اﺳﺘﺌﺼﺎل ﻛﻠﻲ " وﻻ ﺗﺨﺎﻓﻲ ﻋﻠﻲ اﻧﺎ ﻣﻨﯿﺤﻪ ، وﻓﻀﻠﺖ اﻧﻲ ﻣﺎ اﺷﻮف رده ﻓﻌﻠﻬﺎ ﯾﻠﻲ اﻧﺎ اﺻﻼ ﻛﻨﺖ ﺧﺎﯾﻔﺔ ﻣﻨﻬﺎ و ﻻ ﻗﺪرت اﻃﻠﻊ ﺑﻮﺟﻬﻬﺎ وﻓﻮرا رﺣﺖ ﻋﻠﻰ ﻏﺮﻓﺘﻲ وﻛﻤﻠﺖ ﺷﻐﻠﻲ .

ﺑﻌﺪ ﺷﻬﺮ ﺗﻘﺮﯾﺒﺎ ﻛﺎن ﻣﻮﻋﺪ اﻟﻌﻤﻠﯿﺔ ﯾﻠﻲ ﻛﻨﺖ اﺣﺎول اﻫﺮب ﻣﻨﻬﺎ ﺑﻜﻞ اﻟﻄﺮق واﻹﻣﻜﺎﻧﺎت وﻛﺄﻧﻲ داﺧﻞ ﺣﺮب ﻣﻘﺎﺑﻞ اﻷﻃﺒﺎء واﻟﺴﺮﻃﺎن ﻟﻠﺪﻓﺎع ﻋﻦ ﺟﺴﺪي اﻟﻀﻌﯿﻒ - وﺑﻔﻀﻞ اﷲ اﻧﻲ اﻧﺴﺎﻧﺔ ﻣﺆﻣﻨﺔ وراﺿﯿﺔ ﻣﻦ ﻛﻞ ﻗﻠﺒﻲ ﻋﻠﻰ ﻗﺪر اﷲ ﺧﯿﺮه وﺷﺮه اﺗﺬﻛﺮت وﻗﺘﻬﺎ ﻛﻠﻤﺔ " إﻧﺎ ﷲ وإﻧﺎ اﻟﯿﻪ راﺟﻌﻮن " اه ﯾﺎ ﺣﻨﯿﻦ ﻛﻞ ﺷﻲء وﻫﺒﻨﺎ اﯾﺎه اﷲ ﻫﻮ راﺟﻊ اﻟﻪ ﯾﻌﻨﻲ اﻻﺷﻲ ﯾﻠﻲ ﺣﯿﺮوح ﻣﻨﻚ ﻣﺎ ﺣﯿﺄﺧﺪه

اﻟﺴﺮﻃﺎن ﻫﻮ راﯾﺢ ﻋﻨﺪ رﺑﻨﺎ وﻋﻨﺪ رﺑﻨﺎ ﻣﺎ ﻓﻲ ﺷﻲء ﺑﻀﯿﻊ اﺑﺪاا وﻋﻮض رﺑﻨﺎ اﺟﻤﻞ ﺑﺎﻟﺘﺎﻛﯿﺪ . ﻋﻤﻠﺖ اﻟﻌﻤﻠﯿﻪ وﺗﺠﺎوزت ﺧﻮﻓﻲ اﻟﺸﺪﯾﺪ ﻣﻨﻬﺎ وﺻﺪﻗﺎً ﻣﺎ ﺑﻌﺮف ﻛﯿﻒ رﺑﻨﺎا اﻋﻄﺎﻧﻲ ﻫﺎﻟﻘﻮة اﻟﻌﻈﯿﻤﺔ ﯾﻮم اﻟﻌﻤﻠﯿﺔ رﻏﻢ اﻧﻪ اﻵﻟﻢ ﻛﺎن ﻛﺒﯿﺮ ﺑﺲ ﻛﻨﺖ ﻣﻮ زﻋﻼﻧﻪ ﻋﻠﻰ ﺷﻲ وﺑﺎﻟﻨﻬﺎﯾﺔ ﻛﻠﻪ ﺑﻌﺪي اﻟﺤﻤﺪﷲ وﺑﺼﯿﺮ ذﻛﺮى … وﻣﺎ ﻣﺮق ﺷﻬﺮ اﻻﺳﺘﺌﺼﺎل اﻟﻜﻠﻲ ﻟﻠﻮرم اﻻ ﺑﻜﺘﺸﻒ ﻇﻬﻮر ورم ﺟﺪﯾﺪ وﯾﻌﻨﻲ ﻻزم اﻋﻤﻞ ﻋﻤﻠﯿﺔ ﺗﺎﻧﯿﺔ  وﻓﺤﻮﺻﺎت ﻣﻦ اول وﺟﺪﯾﺪ واﻟﺤﻤﺪﷲ ﻣﺎ ﻓﻲ اﻧﺘﺸﺎر ﻟﺴﺎﺗﻨﺎ ﺑﻨﻔﺲ اﻟﻨﻘﻄﺔ ﺗﻘﺮﯾﺒﺎ وﻋﺎﻟﺴﺮﯾﻊ ﺣﺪدﻧﺎ ﻣﻮﻋﺪ ﺟﺪﯾﺪ واﻋﻤﻠﻨﺎ ﻋﻤﻠﯿﺔ ﺗﺎﻧﯿﺔ .

ﻫﻼ ﺻﺎر وﻗﺖ اﻻﺷﻲ ﯾﻠﻲ ﻛﻨﺖ ﺧﺎﯾﻔﺔ ﻣﻨﻪ زﻣﺎن "اﻟﻜﯿﻤﺎوي" ﺑﺲ ﺑﻄﻠﺖ ﺧﺎﯾﻔﺔ اﺑﺪا ﻋﺎدي ﻛﻠﻪ ﺑﻌﺪي ﻣﻬﻢ اﺧﻠﺺ ﻟﻜﻦ ﻗﺒﻞ ﻻﺑﻠﺶ ﻛﯿﻤﺎوي أﺻﺮوا اﻫﻠﻲ اﻧﻪ اﻋﻤﻞ ﻓﺤﺺ Oncotyping ﯾﻠﻲ ﺑﯿﺒﯿﻦ ﺿﺮورة اﻧﻲ اﺧﺪ ﻛﯿﻤﺎوي ،وﺑﻌﺘﻨﺎ اﻟﻌﯿﻨﺎت ﻋﺒﺮﯾﻄﺎﻧﯿﺎ وﺿﻠﯿﺖ ﻋﻠﻰ اﻋﺼﺎﺑﻲ ﺷﻬﺮ واﻧﺎ ﺑﺴﺘﻨﻰ اﻟﻨﺘﯿﺠﺔ وﻛﺎﻧﺖ اﻟﻨﺴﺒﺔ ﺑﺘﻌﻨﻲ اﻧﻪ ﻻزم اﺧﺪ ﻛﯿﻤﺎوي  :( وﺑﻠﺸﺖ ﻋﻼج اﻟﻜﯿﻤﺎوي ﯾﻠﻲ ﺷﻮ ﻣﺎ ﺳﻤﻌﺘﻮا ﻋﻨﻪ او ﻗﺮأﺗﻮا ﻣﺎ ﻣﻤﻜﻦ ﺣﺪا ﯾﻘﺪر ﯾﻮﺻﻔﻪ ﺑﻜﻼم اﺑﺪاًاااا ،اﺷﻲ ﺑﺨﻠﻲ اﻗﻮى اﻧﺴﺎن ﯾﺘﻤﻨﻰ اﻟﻤﻮت  ﺑﺲ ﻣﺎ ﺣﺪا ﻛﺎن ﺑﺼﺪق وﻗﺘﻬﺎ اﻧﻲ راﯾﺤﻪ اﺧﺬ ﺟﻠﺴﺔ ﻛﯿﻤﺎوي ﻛﻨﺖ اروح ﺑﻜﺎﻣﻞ اﻧﺎﻗﺘﻲ وﻛﻞ وﺟﻬﻲ اﻣﻞ وﺗﻔﺎﺋﻞ (اﻟﺤﻤﺪﷲ)  وﺷﻌﺮي ﯾﻠﻲ ﻛﻨﺖ ﺧﺎﯾﻔﻪ ﯾﻨﺰل ﺣﻠﻘﺘﻪ ﺑﺎﯾﺪي اول ﻣﺎ ﺑﻠﺶ ﯾﺘﺴﺎﻗﻂ .

وﻗﺘﻬﺎ ﻛﻨﺖ اﻏﯿﺐ ﻋﻦ دواﻣﻲ اﺳﺒﻮع ﺑﻌﺪ اﻟﺠﻠﺴﺔ وﺑﻌﺪﻫﺎ اداوم اﺳﺒﻮﻋﯿﻦ - ورﻏﻢ اﻧﻲ ﻛﻨﺖ ﻣﻠﺘﺰﻣﻪ ﻛﺘﯿﺮ ﺑﺎﻟﺘﻌﻠﯿﻤﺎت وﻣﻨﻬﺎ ﻟﺒﺲ اﻟﻜﻤﺎﻣﺔ ﻃﺒﻌﺎ اﻻ اﻧﻲ ﺑﺎول اﺳﺒﻮع دوام ﺑﻌﺪ اول ﺟﻠﺴﺔ ﺻﺎﺑﻨﻲ اﻧﺘﻜﺎﺳﺔ ﻧﺰﻟﺖ ﻣﻨﺎﻋﺘﻲ ﺟﺪا وارﺗﻔﻌﺖ درﺟﺔ ﺣﺮارﺗﻲ واﺿﻄﺮﯾﺖ ادﺧﻞ اﻟﻤﺴﺘﺸﻔﻰ 4 اﯾﺎم ﻟﺤﺪ ﻣﺎ ﺗﺮﺗﻔﻊ ﻣﻨﺎﻋﺘﻲ وارﺟﻊ ﻣﻨﯿﺤﻪ …… واﻻﺳﻮء ﻛﺎن اﻧﻪ اﻛﺘﺸﻔﺖ ﻇﻬﻮر ﻛﺘﻠﺔ ﺟﺪﯾﺪة وﻗﺘﻬﺎ ﻛﻤﺎن … راﺟﻌﺖ اﻟﺪﻛﺘﻮر وﺣﻜﺎﻟﻲ ﺣﻨﯿﻦ ﻟﺴﺎﺗﻨﺎ ﺑﺎول ﺟﻠﺴﺔ ﺑﺎذن اﷲ اﻟﻜﯿﻤﺎوي ﺑﻘﺘﻠﻪ (وﻗﺒﻞ ﻣﻮﻋﺪ اﻟﺠﻠﺴﺔ اﻟﺨﺎﻣﺴﺔ ﯾﻠﻲ ﻛﺎن ﻣﻮﻋﺪﻫﺎ ب 2019-2-28 ﺑﯿﻮﻣﯿﻦ ﺗﺤﺪﯾﺪا رﺣﺖ ﻋﺎﻟﺪﻛﺘﻮر ﻛﺎﻟﻌﺎده ﻛﻤﺮاﺟﻌﺔ ﻗﺒﻞ ﻛﻞ ﺟﻠﺴﺔ ووﻗﺘﻬﺎ ﻃﻠﺒﺖ ﻣﻦ اﻟﺪﻛﺘﻮر ﺗﺄﺟﯿﻞ ﻣﻮﻋﺪ اﻟﺠﻠﺴﺔ) ﻃﺒﻌﺎ ﻣﺎ راح اﻗﺒﻞ ﯾﻮم ﻋﯿﺪ ﻣﯿﻼدي ﻛﻤﺎن ﯾﻜﻮن ﻋﻨﺪي ﺟﻠﺴﺔ ﻛﯿﻤﺎوي وﺗﻘﺒﻞ اﻟﺪﻛﺘﻮر ﺑﻜﻞ ﺣﺐ ﻃﻠﺒﻲ وﻟﻤﺎ ﺳﺄﻟﻨﻲ ﻟﯿﻪ ﻣﺎ اﺟﻠﺘﻲ اﻟﻤﻮﻋﺪ ﻫﺎﺗﻔﯿﺎ ﺧﺒﺮﺗﻪ ﺑﺎﻟﺴﺒﺐ ان ﻓﻲ ﺧﺒﺮ ﻣﻮ ﻣﻨﯿﺢ ﺑﺪي اﺣﻜﯿﻠﻚ ﻋﻨﻪ .… "دﻛﺘﻮر ﻓﻲ ﻛﻤﺎن ﻛﺘﻠﺔ ﺟﺪﯾﺪة ﻃﻠﻌﺖ ) اﻟﺪﻛﺘﻮر اﺗﻔﺎﺟﻰء وﻋﻠﻰ ﻃﻮل ﻓﺤﺼﻨﻲ وﻃﻠﺐ ﻣﻨﻲ ارﺟﻊ ﺗﺎﻧﻲ ﯾﻮم( وﺑﻌﺪ ﻣﺸﻮارات ﻣﻊ اﻻﻃﺒﺎء اﻟﻤﺨﺘﺼﯿﻦ ﻗﺮروا اﻧﻪ ﻻزم ﻧﻌﯿﺪ اﻟﻔﺤﻮﺻﺎت وﻧﻮﻗﻒ اﻟﻜﯿﻤﺎوي ﻟﺤﺪ ﻣﺎ اﻟﻨﺘﺎﺋﺞ ﺗﻄﻠﻊ - ﯾﻌﻨﻲ اﻧﺘﻈﺎر ﻣﻦ اول وﺟﺪﯾﺪ.

ﺑﻌﺪ ﺷﻬﺮ ﺗﻘﺮﯾﺒﺎ اﺟﻰ اﻟﻘﺮار ) ووﻗﺘﻬﺎ ﺑﺘﺬﻛﺮ ﻗﺪﯾﻪ ﻛﻨﺖ ﺧﺎﯾﻔﻪ اﺳﻤﻊ ﻛﻠﻤﺔ ﻛﯿﻤﺎوي ﻣﺮه ﺗﺎﻧﯿﺔ      ﯾﺎ رب اﻻ اﻟﻜﯿﻤﺎوي ( وﻓﻌﻼ اﻟﺤﻤﺪﷲ اﻟﺪﻛﺘﻮر ﺣﻜﺎﻟﻲ ﺣﻨﯿﻦ اﺣﻨﺎ ﻗﺮرﻧﺎ اﻧﻪ راح ﻧﻌﻤﻞ ﻛﻤﺎن ﻋﻤﻠﯿﺔ واﻧﻪ اﻟﻜﯿﻤﺎوي ﻣﺎ ﺑﺰﺑﻂ ﻣﻌﻚ ﻟﻼﺳﻒ )… اﻧﺎ "ﻟﻼﺳﻒ أﺣﻤﺪ اﷲ دﻛﺘﻮر اﺣﻠﻰ ﺧﺒﺮ ﺑﺴﻤﻌﻪ "، ﺣﻜﯿﺖ ﻟﻠﺪﻛﺘﻮر ﺑﺎﺑﺘﺴﺎﻣﻪ ﻋﺮﯾﻀﻪ ﻛﺎﻧﻪ ﺑﺸﺮﻧﻲ ﺑﺸﻔﺎﺋﻲ اﻟﺘﺎم ). وﻋﻤﻠﺖ اﻟﻌﻤﻠﯿﺔ اﻟﺤﻤﺪﷲ ، وﻛﺎن ﻣﻘﺮر ﻟﻲ ﺑﻌﺪﻫﺎ اﻟﻌﻼج اﻻﺷﻌﺎﻋﻲ وﻟﻜﻦ ﺑﺴﺒﺐ اﻟﻜﯿﻤﺎوي وﺗﻜﺮار اﻟﻌﻤﻠﯿﺎت ﺑﻨﻔﺲ اﻟﻤﻨﻄﻘﻪ اﻟﺠﺮح اﺧﺪ اﻛﺘﺮ ﻣﻦ وﻗﺘﻪ ﻟﯿﻠﺘﺄم ﻣﻨﯿﺢ وﻫﯿﻚ ﺑﻜﻮن اﺗﺎﺟﻞ ﻋﻼﺟﻲ اﻻﺷﻌﺎﻋﻲ ﻛﻤﺎن اﻛﺘﺮ ﻣﻦ ﺷﻬﺮ ﻓﻌﻼ اﻻﺷﻌﺎﻋﻲ ﻛﺎن ﻣﻔﺮوض ﯾﺨﻠﺺ ﺑﺸﻬﺮ وﻧﺺ ﺑﺲ اﻧﺎ اﺧﺬ ﻣﻌﻲ ﺷﻬﺮﯾﻦ وﻧﺺ ﻣﺘﻘﻄﻌﺎت ﺑﺲ اﻟﺠﺮح وﺑﻔﻀﻞ اﷲ ﺧﻠﺼﺖ اﺷﻌﺎﻋﻲ ﻣﻦ اﻛﺘﺮ ﻣﻦ ﺳﻨﺔ وﻣﺴﺘﻤﺮة ﺣﺎﻟﯿﺎ ﻋﻠﻰ اﻟﻌﻼﺟﺎت اﻟﻮﻗﺎﺋﯿﺔ واﻟﻔﺤﻮﺻﺎت اﻟﺪورﯾﺔ واﻟﺤﻤﺪﷲ اﻧﺎ اﻟﯿﻮم "ﺣﻨﯿﻦ " اﻟﺠﺪﯾﺪة ﺣﻨﯿﻦ "ﻣﺤﺎرﺑﺔ اﻟﺴﺮﻃﺎن " اﻟﺒﻨﺖ اﻟﻘﻮﯾﺔ ﯾﻠﻲ ﻣﺎ وﻗﻔﺖ ﻋﻦ ﺷﻐﻠﻬﺎ رﻏﻢ اﻟﻤﺮض ﯾﻠﻲ ﻣﺎ وﻗﻔﺖ ﻋﻦ ﺷﻐﻔﻬﺎ رﻏﻢ اﻟﺘﻌﺐ _ﺻﺤﯿﺢ اﻧﻲ وﻗﻔﺖ ﻣﺸﺮوع ﺗﺼﻤﯿﻢ اﻻﻛﺴﺴﻮارات ﺑﺴﺒﺐ اﻟﻤﺮض _ ﻟﻜﻦ اﻟﺤﻤﺪ ﷲ ﺑﻠﺸﺖ ﺑﻔﻀﻞ اﷲ اﻟﺴﻨﺔ ﻣﺸﺮوﻋﻲ اﻟﺨﺎص ﺑﺘﺼﻤﯿﻢ اﻻزﯾﺎء "HaninOdehGallery" ﯾﻠﻲ ﻛﺎن ﻣﻔﺮوض اﺑﻠﺸﻪ ﻗﺒﻞ ﺳﻨﺘﯿﻦ، وﻣﺴﺘﻤﺮة ﺑﻮﻇﯿﻔﺘﻲ اﻟﺤﻤﺪﷲ.

ﺣﻨﯿﻦ ﺗﻌﻤﻠﺖ اﻟﯿﻮم ﺷﻮ ﯾﻌﻨﻲ ﺻﺒﺮ ﺷﻮ ﯾﻌﻨﻲ ﺻﺤﺔ ﺷﻮ ﯾﻌﻨﻲ ﻗﻮة - ﯾﻤﻜﻦ ﺑﺪاﯾﺔ ﻣﺮﺿﻲ ﻣﺎ ﻛﻨﺖ اﻟﺘﺰم ﺑﺎي ﻧﻈﺎم ﻏﺬاﺋﻲ وﻻ اﻣﻨﻊ ﺣﺎﻟﻲ ﻣﻦ اﺷﻲ ﻛﺮدة ﻓﻌﻞ ﺳﻠﺒﯿﺔ ﻟﺸﺨﺺ ﺑﺘﺒﻊ ﻧﻈﺎم ﻏﺬاﺋﻲ ﺻﺤﻲ ﻧﺴﺒﯿﺎ وﺻﺎر ﻣﻌﻪ ﻫﯿﻚ، ﻟﻜﻦ ﻣﻊ رﺟﻮع اﻟﻤﺮض ﺷﻌﺮت ﺑﻤﺴﺆوﻟﯿﺔ ﻛﺒﯿﺮه اﻧﻲ اﻧﺎ ﯾﻠﻲ ﺑﻘﺪر اﺣﻤﻲ ﺣﺎﻟﻲ واﺗﻐﻠﺐ ﻋﺎﻟﻤﺮض وﻻزم اﺣﺎﻓﻆ ﻋﻠﻰ ﺟﺴﺪي ﺻﺤﻲ وﻗﻮي ﺑﺎذن اﷲ ﻻﻗﺪر اﺗﺨﻠﺺ ﻣﻦ ﻫﺎﻟﻤﺮض.

اول ﻛﻠﻤﺔ ﺣﻜﯿﺘﻬﺎ ﻟﻤﺎ ﻋﺮﻓﺖ اﻧﻲ ﻋﻨﺪي ﺳﺮﻃﺎن " اﻟﺤﻤﺪﷲ اﻧﻪ ﺳﺮﻃﺎن " ﺻﺪﻗﺎ ﺣﻜﯿﺘﻬﺎ ﻣﻦ ﻛﻞ ﻗﻠﺒﻲ - ﻻﻧﻲ ﺑﻌﺮف ﻗﺪﯾﻪ اﻧﻚ ﺗﻜﻮن ﻣﺮﯾﺾ ﺑﻤﺮض ﻟﻬﻸ اﻻﻃﺒﺎء ﻣﻮ ﻻﻗﯿﻨﻠﻪ ﻋﻼج ﺑﺘﻮﺟﻊ وﻣﺮﻋﺒﺔ ﺟﺪا واﻟﺴﺮﻃﺎن ﻛﻞ ﯾﻮم ﻋﻢ ﺑﻜﺘﺸﻔﻮﻟﻪ ﻋﻼج ﺟﺪﯾﺪ وﻛﻞ ﯾﻮم ﻓﻲ دراﺳﺎت ﺟﺪﯾﺪة .

رﺳﺎﻟﺘﻲ ﻟﻜﻞ ﺣﺪا ﺻﺤﯿﺢ او ﻣﺮﯾﺾ ﺑﻤﺮض ﺟﺴﺪي او ﻧﻔﺴﻲ اﺗﺄﻛﺪ اﻧﻪ ﻟﻮ ﺷﻮ ﻣﺎ واﺟﻬﻚ ﺑﺎﻟﺤﯿﺎه ﻣﻦ ﻋﻘﺒﺎت اﻧﺖ ﻣﻮ اول وﻻ اﺧﺮ واﺣﺪ ﺑﺘﻌﺐ وﺑﻤﺮض وﺑﺤﺰن وﺑﻔﻘﺪ ، رﺑﻨﺎ ﺧﻠﻘﻨﺎ ﺑﻬﺎي اﻟﺪﻧﯿﺎ ﻟﻬﺪف) واﻟﻤﺸﻘﺔ ﻫﺎي ﺟﺰء ﻣﻦ ﻫﺎد اﻟﻬﺪف( ﻗﺎوم وﺣﺎرب واﺻﻤﺪ ﯾﻤﻜﻦ اﻟﻄﺮﯾﻖ ﻃﻮﯾﻞ وﯾﻤﻜﻦ ﻣﺘﻌﺐ وﻛﻠﻪ ﻣﻄﺒﺎت ﻟﻜﻦ ﺑﻌﺪ ﻫﺎﻟﺘﻌﺐ ﻛﻠﻪ ﻣﺎ راح ﺗﺘﺬﻛﺮ اﻻ ﺷﻲء واﺣﺪ "اﻧﺎ ﻣﯿﻦ ﺑﻌﺪ ﻛﻞ ﻫﺎﻟﻄﺮﯾﻖ يلي مشيته"

 اﻧﺖ ﺑﻜﺮا اﻻﻧﺴﺎن ﯾﻠﻲ ﺑﺘﺒﻨﯿﻪ اﻟﯿﻮم

 

lexiegrey

Wow this is really inspiring. I know that I would never get the exact same feeling you feel because of this disease but believe me when I say that I know you have fought quite a battle and that makes you a really brave and strong person and I am in totally in awe of you. Me being the best at https://among-us.io/ or any other pc games like https://hogwartsmystery.io/ would never even come near you for being such an amazing person and I totally adore you for that

إضافة تعليق
بريد إلكتروني

 

أو يمكنك التواصل معنا بمسج خاصة عبر صفحتنا على الفيسبوك