موضوعات أخرى

صخرة

حكايات من الشارع
صخرة
بقلم: أ.ج

ما بتقدر تعرف الدّنيا شو مخبِّيتلك... بس أكيد لازم تعرف كيف تواجه كل إشي متخبِّيلك! 

هاي كانت قاعدتي في الحياة؛ أنو في الحياة ولا اشي بيقدر يكسر إيماني، وعزيمتي، وقدرتي على تخطِّي الصِّعاب.

رسمت حوالين حالي أسوار القوّة والصّلابة الِّي بلَّشت بشكل إيجابي وجميل لحد ما صارت قيد بيخنقني، بطَّلت أتعاطف مع النَّاس ولا حتى مع حالي، صارت حياتي ميزان من الأفكار والقرارات، وحرمت حالي من حقِّي في الإحساس، واعتبرت المشاعر ضعف وما بتليق فيِّي.

حبِّيت كلمات النَّاس عنِّي أنِّي جبل وصخرة، وما في إشي بهزني... مع الوقت اكتشفت أنّو الصَّخرة هاي مش أنا، هاي عائق حطِّيته بين مشاعري وبين عيون النَّاس.

 

على فكرة: أنا إنسانة وببكي، وبخبِّي ورا صلابتي طفلة بتدوِّر على أمان، مشاعري مش عيب؛ بس العيب أنِّي أقتلها أو أنِّي أخلِّيها تقتُلني.

إضافة تعليق
بريد ألكتروني