موضوعات أخرى

ليش أنا؟

واقع الحال
ليش أنا؟
بقلم: أ.ج

كيف ممكن أتقدَّم وكلّ الحياة بتدفعني لورا؟ كيف ممكن أنجح وكلّ الأصوات الِّي حوَلَي بتفَشِّلني؟ كيف ممكن أكتب مشاعري حتَّى لو الحروف خانَتني واختفَت عند الوجع، يا رب ليش أنا؟ يمكن هاي الكلمة الوحيدة الِّي بقدر أعبِّر فيها عن الغضب، والألم، والحزن، والخِذلان الِّي بشعر فيهم.

الحقيقة المؤلمة الِّي لازم أعترف فيها حاليًّا أنُّه في كتير حواجز أقوى منَّا وكتير أبواب مفاتيحها مش معنا، بس إيماني بيقول إنُّه الِّي معنا كتير أقوى من إلِّي علينا، وحتَّى لو العوائق مش من اختياري بس أكيد تحدِّيها والصُّمود قدَّامها هو قراري.

 

يمكن السُّؤال الِّي لازم أسأله: ليش مش أنا؟ أنا لسَّا عندي كتير أمور أتعلَّمها وأتغيَّر فيها، ولسَّا عندي كتير أمور أشكر عليها... وحتَّى لو وقعت برجع بقوم، ولو طحنتني الظروف بطلع أنقى وأقوى. ما رح أخلِّي إشي يفشِّلني لكن كل حجر عثرة برفعني نقلة جديدة؛ اتجدِّد حياتي وتعطيني قوَّة جديدة، تدفعني لأتحدَّى الواقع وأكمِّل الطَّريق بثبات، تمشِّيني فوق المرتفعات، وتحملني لفجر جديد فيه أمل بتغيير وحياة.

إضافة تعليق
بريد ألكتروني